Instituti i Statistikave raporton shifra të frikshme të punonjësve të pushuar dhe bizneseve të falimentuara për shkak të krizës që solli pandemia. Në një raport të publikuar së fundi, INSTAT tregon se, regjistrohen mbi 27 mijë vende pune të humbura dhe 116 miliardë lekë apo rreth 950 milionë euro xhiro e munguar për bizneset në vend gjatë pandemisë. Ndër të tjera evidentohet se, mbi 1500 biznese kanë falimentuara, ku sektori më i goditur ka qenë fasoneria dhe call-centerat, si dhe ndërmarrje të tjera me mbi 50 të punësuar.
Sipas INSTAT, një tjetër sektori që pësoi humbje të mëdha për shkak të pandemisë është industria nxjerrëse që vuajti mbylljen e ekonomisë botërore dhe rënien e çmimeve të lëndëve të para si nafta dhe mineralet. Ndërsa në industrinë përpunuese, ku përfshihet edhe grupi kryesor i eksporteve shqiptare, prodhuesit e veshjeve dhe këpucëve, patën raportin më të lartë të kompanive të mbyllura, gati 1 mijë të tilla, apo rreth 14% e sektorit.
Ndërsa në sektorin e shërbimeve, dega më e goditur është turizmi, me rreth 534 bare, restorante e hotele të mbyllura, 8 mijë të punësuar më pak dhe rreth 17 miliardë lekë xhiro të munguar. Nga ana tjetër farmacitë dhe spitalet private vazhdoj ë të përfitojnë të ardhura më shumë se kurrë më parë. E.H/gijotina.com/
Discussion about this post