Përkeqësimi i covid 19 në Brazil mund të sjellë tërheqjen e këtij shteti nga organizimi i Kupës së Amerikës çka do të sillte një kaos të vërtetë.
Një situatë kaotike ka ndodhur në Brazil, ku lojtarët e këtyre të fundit refuzojnë të luajnë kompeticionin e njohur. Sakaq trajneri i Brazilit, Tite ka treguar se u ka kërkuar lojtarëve të përqendrohen në maksimum për dy ndeshjet e Kualifikuese të Botërorit “KATAR 2022”, ndaj Ekuadorit dhe Paraguajit dhe më pas do të shihnin se çfarë do të ndodhë me Kupën e Amerikës:
“Futbollistët kanë një mendim dhe kanë komunikuar edhe me presidentin e Federatës, Rozherio Kaboçlo. Ata do të flasin në kohën e duhur, ndaj edhe sot nuk është kapiteni Kazemiro. U kemi kërkuar lojtarëve të përqendrohen tek ndeshja me Ekuadorin.
Duhet të fitojmë këto dy ndeshje. Nuk po i shmangem përgjigjeve, por thjesht po them faktet. Kupa e Amerikës është e rëndësishme, por fillimisht kemi ndeshjen e radhës më të rëndësishme.”
