Protesta kundër qeverisë së Edi Ramës vijon edhe në ditën e 80-të, ndërsa qytetarët kanë zgjedhur edhe pankartat për të shprehur pakënaqësinë ndaj qeverisë, mënyrës së administrimit të parave publike dhe situatës ekonomike në vend.
“Drejtorët firmosin, oligarkët grabisin!”, shkruhet në një prej pankartave të protestuesve.
Në një tjetër mesazh vihet përballë situata e drejtuesve të administratës me vështirësitë ekonomike të qytetarëve: “Drejtorët numërojnë prokurimet, qytetarët numërojnë lekët për të mbijetuar”.
Kritika janë adresuar edhe ndaj kryeministrit Edi Rama për menaxhimin e situatës së zjarreve që kanë prekur disa zona të vendit.
“Edi Rama nuk aktivizon fondin e emergjencës së BE-së si në vite të tjera. Qëndroni të vetëdijshëm. Llogari do të japë. Vetëm populli mund ta çojë në pushime”, thuhet në një tjetër pankartë.
Discussion about this post