Papa Francesku është shprehur se ndryshimet klimaterike dhe pandemia Covid-19 janë të barazvlefshme me plagët e një lufte botërore.
Përmes një mesazhi drejtuar liderëve botërore në samitin G20, Papa Françesku nëpërmjet sekretarit të Shtetit të Vatikanit Pietro Parolin, është shprehur se këto çështje janë të krahasueshme me ato të një luftë botërore për shkak të plagëve të shkaktuara.
“Plagët e shkaktuara të njerëzimit nga pandemia Covid dhe fenomeni i ndryshimit të klimës janë të krahasueshme me ato që vijnë nga një konflikt global. Ashtu si pas Luftës së Dytë Botërore është e nevojshme që komuniteti ndërkombëtar duhet të bëjë prioritet zbatimin e veprimeve kolektive dhe largpamëse”, thuhet në komunikim.
Takimi i G20-ës ka në fokus ndryshimet klimaterike që po prekin të gjithë globin.
Liderët janë nën presion për ndërmarrë veprime që do të ulnin emetimet e dioksidit të karbonit në mënyrë që të vihet nën kontroll ngrohja globale.
Grupi i G20-ës, që ndër të tjera përfshin Brazilin, Kinën, Indinë, Gjermaninë dhe Shtetet e Bashkuara, përbën më shumë se 80 për qind të emetimeve të karbonit.
Discussion about this post