Ditën e sotme, Papa Françesku, është shfaqur në publik, i ulur në një karrocë me rrota e për rrjedhojë mesha nuk u mbajt prej tij, por nga Kardinali Re. Sipas Rai News nuk dihet nëse ai ka pësuar ndonjë aksident apo thjesht nuk ndihej mirë por gjatë predikimit ai tha se njerëzit nuk duhet të fokusohet vetëm në problemet e veta.
“Fryma e kësaj bote është e ngutshme, sepse ne fokusohemi vetëm në problemet dhe interesat tona, në nevojën për t’u dukur I përshtatshëm, në mbrojtjen e fuqishme të përkatësisë sonë kombëtare dhe grupore”, tha Papa Françesku në predikimin e meshës së Rrëshajëve.
Nga ana tjetër, ai është shprehur se Kisha nuk mund të qëndrojë e mbyllur në vetvete, por duhet “të shkojë përtej”.
“Fryma e Shenjtë gjithmonë i mëson kishës nevojën jetike për të dalë, nevojën fiziologjike për të shpallur, për të mos qëndruar e mbyllur në vetvete, për të mos qenë një tufë që forcon rrethimin, por një kullotë e hapur që të gjithë të mund të ushqehen nga bukuria e Zotit, na mëson të jemi një shtëpi mikpritëse pa mure ndarëse”, tha Papa.
Discussion about this post