Edhe pse ishte parashikuar që të përfundonte në maj të këtij viti, shëtitorja e Sarandës ende nuk ka mbaruar. 4 muaj nga afati i fundit, ende në zonën e limanit nuk është prekur gjatë ndërtimit të bulevardit. Shkak për këtë është bërë një çarje strukturore që nis nga themeli.
Kompania e kontraktuar për këtë projekt është “Fusha Shpk” e cila interesit të mediave iu përgjigj duke thënë se përgjegjëse për ngecjen e projektit është Fondi Shqiptarë i Zhvillimit. FSHZH nga ana tjetër nuk jep shpjegime në lidhje vijimin e punimeve.
Burime i thanë mediave se arsyeja e ndërprerjes është se duhen para shtesë për të ndërhyrë në rehabilitimin e limanit. Nga ana tjetër, banorët ankohen për cilësinë e punimeve, si dhe ka nga ata që janë gati të kontribuojnë
“Duhet të bëhej sikur të gjithë të vëmë nga 1 mijë lekë për një tullë dhe të bëhet,” -shprehet një e mos moshuar.
Por disa muaj para fushatës, punimet e këtij projekti shiteshin në media si arritje që do të përfundonte shumë shpejtë nga kryeministri dhe deputet të zonës. Pas përfundimit të fushatës, problematikat që po dalin, tregojnë se ka qenë pjesë e propagandës qeveritare për t’i gënjyer qytetarët.
Sipas kontratës, kompania Fusha duhet të mirëmbajë për një vit shëtitoren. Në tender morën pjesë tre kompani, por që çuditërisht u përzgjodh “Fusha shpk” më ofertën më të lartë prej 4.7 milionë euro. Kujtojmë që Fusha Shpk është akuzuar në media disa herë për lidhje me qeveritarët, pasi është favorizuar në shumë tendera.
