Jude Bellingham la Dortmundin në verë për t’u transferuar tek Real Madrid. Anglezi po shkëlqen me fanellën e “Los Blanocs”, me të cilën fitoi titullin kampion në Spanjë, e tani do të tentojë dhe trofeun e Champions League, pikërisht përballë ish-skuadrës së tij. Sulmuesi I kushtoi Realit 103 milionë euro, por në kontratën e firmosur mes klubeve ekzistojnë dhe disa klauzola bonusesh, që Dortmud mund të marrë akoma dhe më tepër.
Sipas marrëveshjes, nëse Reali fiton Champions, atëherë do detyrohen ti paguajnë Dortmundit 6 milionë euro, ndërsa nëse Bellngham do të futet në formacionin më të mirë të Champions do t’i japë dhe 3 të tjera. Finalistja e Championsit, e cila nuk e ngre trofeun merr nga UEFA rreth 15 milionë euro, ndërsa fituesja e trofeut 20 milionë euro.
E thënë më thjeshtë, sido të shkojë puna në finale, Dortmundi do të arkëtojë më tepër së paku 20 milionë euro në rastin më të keq, vetëm si finalist e falë klauzolave të Bellingham. Diçka që natyrisht merr thjeshtë nota kurioziteti, pasi dihet se fituesja e trofeut më të rëndësishëm europian sjell shumë më tepër të ardhura falë sponsorëve dhe marketingut, pasi Reali, nëse fiton Championsin, kurrsesi nuk mund të fitojë më pak se Dortmundi, sado të paguajë te verdhezinjtë për Bellinghamin.
Discussion about this post