Qindra-mijëra qytetarë ukrainas, kanë bllokuar rrugën kryesore që të dërgon në centralin bërthamor të Çernobiolit, për të parandaluar trupat ruse që të marrin drejtimin e saj. Qytetarët shihen në rrugë në rresht dhe në duar mbajnë flamuj ukrainas.
I pyetur nga mediat, zyrtari qeveritar Anton Geranshchenko ka thënë se ukrainasit janë të gatshëm të luftojnë deri në frymën e fundit për të mbrojtur një nga burimet kryesore të energjisë në vend.
“Qyteti ku ndodhet termocentrali më i madh bërthamor në Evropë po përgatitet për një betejë me pushtuesit. Central bërthamor ruhet nga heronjtë e Gardës Kombëtare të Ukrainës. Ata nuk do të dorëzohen, do të ketë një luftë, predha do të qëllojnë pranë termocentralit bërthamor. Ata nuk do të jenë në gjendje të depërtojnë nëpër guaskën e betonit të reaktorit, por patjetër do të dëmtojnë transformatorët, turbinat dhe pajisjet e tjera të nevojshme për sigurinë e termocentralit bërthamor”, tha zyrtari.
Më tej ai shtoi se një aksident mund të ndodhë si në termocentralin bërthamor të Çernobilit ose në termocentralin bërthamor të Fukushimës.
Kreu i mbikëqyrësit të energjisë atomike në OKB, IAEA, shprehu shqetësim të madh se trupat pushtuese ruse po vepronin pranë Zaporizhzhia.
Drejtori i Përgjithshëm Rafael Mariano Grossi bëri me dije se një aksident në fabrikë do të kishte pasoja të rënda për shëndetin publik dhe mjedisin.
Kjo frikë vjen disa ditë pasi forcat e Putinit morën reaktorin e Çernobilit.
Discussion about this post