Pas paralajmërimit të ambasadës së SHBA-ve në Tiranë, që në samitin e organizuar në kampin e MEK në Durrës pritej një sulm i mundshëm terrorist nga Irani, merren masat e para.
Mësohet se me rekomandim të qeverisë shqiptare është bërë e mundur shtyrja e samititit të muxhahedinëve, i cili ishte parashikuar të mbahej në datat 23-24 korrik në kampin e MEK, në Manëz.
Ambasada e Shteteve të Bashkuara të Amerikës me anë të një njoftimi në faqen e saj zyrtare reagoi lidhur me samitin që do të zhvillohet më datë 23 dhe 24 korrik në kampin e muxhahedinëve iranianë (MEK) në Manëz të Durrësit.
Ambasada bën me dije se lidhur me ngjarjen “qeveria e SHBA është në dijeni të një kërcënimi të mundshëm që synon Samitin Botëror të Iranit të Lirë që do të mbahet pranë Durrësit, Shqipëri në 23-24 korrik 2022”.
Discussion about this post