Protestuesit kanë marshuar nga “Rruga e Durrësit” drejt “Zogut të Zi”. Ata kanë bllokuar rrethin duke shkaktuar radhë kilometrike të makinave që kalojnë përmes kësaj rruge.
Kjo zonë është evidentuar si më problematikja sa i takon trafikut të rënduar si në mëngjes, edhe në pasdite. Protestuesit u bëjnë thirrje shoferëve të braktisin mjetet e tyre dhe t’i bashkohen protestës kundër rritjes së çmimeve. Nga ana tjetër edhe policia i ka ndjekur “këmba-këmbës” në përpjekje për t’i ndaluar qytetarët.
Ata bëjnë thirrje që të lirojnë rrugën, në të kundërt do të shoqërohen drejt komisariatit.
Kujtojmë se në rrjetet sociale është bërë thirrje që nesër në orën 11:00 të zhvillohet sërish protesta para Kryeministrisë për t’u shpërndarë më pas në të gjitha akset rrugore të kryeqytetit.
Discussion about this post