Një vrasje e mundshme është parandaluar në Lushnje, ku një 63-vjeçar ka tentuar të vrasë një grua. Sipas policisë, në pranga ka rënë Emir Emiri 63-vjeç nga Kruja, i cili kishte shkruar drejt Lushnjes për të vrarë A. B., 50 vjeçe pasi i kishte disa para borxh.
Policia është njoftuar nga banorët se në një pallat në lagjen “Çlirimi”, ndodhej një person i maskuar me kapuç, dhe menjëherë shkuan në vendngjarje ku përpara derës së A. B., konstatuan Emirin të maskuar, me kapuç në kokë. Gjatë kontrollit personal, atij iu gjet e sekuestruar në cilësinë e provës materiale një armë e ftohtë(thikë) dhe një palë dylbi.
63-vjeçari akuzohet për veprat penale “Sigurimi i kushteve dhe mjeteve materiale për të kryer vrasje” dhe “Mbajtja pa leje e armëve të ftohta”. Materialet i kaluan Prokurorisë, për veprime të mëtejshme procedurale.
Discussion about this post