Vendi ynë do të ndikohet nga kushte atmosferike të qëndrueshme gjatë ditës së sotme, duke sjellë një mot të qëndrueshëm dhe kryesisht të kthjellët në të gjithë territorin.
Sipas njoftimit zyrtar nga Shërbimi Meteorologjik Ushtarak, sot do te kete kthjellime të shumta, të shoqëruara herë pas here me vranësira kalimtare, kryesisht në formën e shtresave të mesme dhe të larta, të cilat nuk do të sjellin reshje dhe nuk pritet të ndikojnë në aktivitetet e përditshme.
Era do të fryjë me drejtim nga verilindja në veriperëndim, me një shpejtësi mesatare prej 7 m/s. Ndërkohë, në zonat bregdetare pritet që era të intensifikohet, duke arritur deri në 15 m/s, çka mund të ndikojë në aktivitetet detare dhe lundrimin me mjete të vogla.
Deti do të paraqitet me valëzim të ulët deri mesatar, me forcë 1-3 ballë, duke krijuar kushte të favorshme për lëvizje në zonat detare dhe për turistët që frekuentojnë bregdetin në këtë periudhë shtatori.
Discussion about this post