Parlamenti përjashton deputetin: Nuk erdhi kurrë në punë

YouTuber-i i famshëm, i kthyer në deputet, do të bëhet i pari ligjvënës japonez, i cili do përjashtohet nga parlamenti pa hyrë fare në të.

Yoshikazu Higashitani u përjashtua të martën nga kolegët e tij të senatit, sepse ai nuk u paraqit kurrë në punë.

Ai nuk ka qenë i pranishëm në asnjë seancë parlamentare që prej kohës kur u zgjodh në detyrë shtatë muaj më parë, ndaj komisioni i disiplinës vendosi t’i hiqte statusin e deputeti.

Votuesit e kishin zgjeshur zotin Higashitani në Dhomën e Lartë në muajin korrik të vitit të kaluar. Ai njihej më tepër si GaaSyy në YouTube, ku e mori famën për shkak të videove me thashetheme për të famshmit.

Përjashtimi është dënimi më i rëndë që mund të marrë një ligjvënës në Japoni. Kjo masë është marrë vetëm dy herë që nga viti 1950 dhe kjo është hera e parë që një deputet përjashtohet për shkak të mos shfaqjes asnjëherë në puna.

Ligjvënësi i cili ka marrë nofkën “Deputeti i pashfaqur”, besohet se jeton në Emiratet e Bashkuara Arabe.

Sipas mediave japoneze, ai deri më tani ka refuzuar të marrë pjesë në parlament sepse ka frikë se do të arrestohet për akuza për mashtrim dhe pretendime për shpifje nga të famshëm.