Partizani do të presë në shtëpi këtë javë skuadrën e Kukësit, në ndeshjen e vlefshme për javën e 32 të “Abissnet Superiore”. Ky takim, do të jetë me një risi për skuadrën kryeqytetase, pasi për herë të parë luan “Arenën e Demave”.
Pas ndërrimit të emrit të stadiumit, kjo do të jetë ndeshja e parë për të kuqtë, pasi deri më tani njihej si “Kompleksi Partizani”. Vetë klubi i Partizanit e ka zyrtarizuar diçka të tillë në rrjetet sociale, ku edhe ka publikuar çmimet e biletave.
Njoftimi i Partizanit:
Ju njoftojmë se për takimin ndaj Kukësit çmimet e biletave në Tribunat respektive të stadiumit “ARENA E DEMAVE” do të jenë:
Biletat në Tribunën Qendrore krahu perëndimor do të kushtojnë 1 000 Lekë
Biletat në Tribunën përballë krahu lindor do të kushtojnë 300 Lekë
Sektori i rezervuar për tifozerinë e Kukësit do të jetë tribuna E1
Biletat mund ti siguroni nga sot dhe në vazhdim ⏰️ 10:00 – 19:00 pranë pikës së shitjes të stadiumit “Selman Stërmasi”. Të shtunën ditën e ndeshjes biletat i gjeni edhe pranë stadiumit “Arena e Demave”
Discussion about this post