Partizani në volejboll për femra fitoi 3-0 ndaj Barleti Volley, në takimin e prapambetur për javën e 11-të të Superligës (25-23, 25-23, 25-20).
Një përballje interesante luajtur në “Asllan Rusi”, ku në të tre setet ekipet kanë rivalizuar mes tyre.
Për Partizanin, që kryeson pa asnjë humbje kampionatin, ishte një fitore disi e vështirë, pasi barletaset u përpoqën të fitojnë ndonjë set, por pa sukses. Përvoja e lojtareve të skuadrës së “kuqe” bëri diferencën në parket në momentet vendimtare.
Një fitore që çon Partizanin në kuotën e 33 pikëve, duke u shkëputur +7 pikë nga vendi i dytë, ndërsa Barleti qëndron në zonën play off. Nesër luhet edhe një tjetër ndeshje e prapambetur e kësaj jave, Teuta-Skënderbeu.
Java e 11-të, e prapambetur
Partizani – Barleti Volley, 3-0
Teuta – Skënderbeu, 10 mars
Renditja: Partizani 33 pikë, Tirana 26 pikë, Skënderbeu 25 pikë, Barleti Volley 17 pikë, Vllaznia 15 pikë, Lushnja 9 pikë, Teuta 3 pikë, Korabi 1 pikë.
Discussion about this post