Janë mbyllur 45 minutat e para të takimit mes Astanës dhe Partizanit, i vlefshëm për fazën “play-off” të Conference League.
Në duelin që po zhvillohet në “Astana Arena”, skuadra kazake, ka qënë dominuese absolute ndaj “Demave të Kuq”, të cilët nuk iu afruan fare portës kundërshtare.
Skuadra e Zoran Zekic, duhet thënë që vjen në këtë sfidë pa disa nga titullarët e saj, ndërkohë që humbi për dëmtim edhe Eros Grezdën.
Atëherë kur dukej se do të rezistonte deri në fund të pjesës së parë, Partizani e pësoi në minutën e 41’, me anë të Loncar.
Vendasit realizuan përsëri në shtesë, por goli i dytë, u anulua nga sistemi VAR. Partizani duhet të ndryshojë strategji nëse dëshiron që të ketë shpresë për kualifikim drejt fazës së grupeve.
Discussion about this post