Kur jemi 7 javë larg mbylljes së këtij sezoni në Abissnet Superiore, FSHF ka bërë një analizë të skuadrave që luajnë më shumë në zonën kundërshtare.
Të luash në zonën kundërshtare padiksutim është një tregues që vendos rezultatin e ndeshjeve, por na bën të kuptojmë se sa sulmues është mënyra e lojës së skuadrave.
Të kesh lojtarë që depërtojnë pas krahëve të mbrojtjes në zonë dhe shkojnë për të goditur portën brenda zonën së rreptësisë, apo sulmues që luajnë vazhdimisht në zonën kundërshtare janë sigurisht zgjidhje për të sulmuar më shumë se kundërshtarët. Dhe kjo renditje e veçantë sjell disa surpriza nëse krahasohet me renditjen e përgjithshme të kampionatit.
Partizani i Dritan Mehmetit është “mbreti” i lojës në zonën kundërshtare, teksa mesatarisht e prek topin në këtë zonë 15.16 herë në 90 minuta.
Vllaznia 14.24 dhe Laçi 13.95 janë dy ekipet e tjera që plotësojnë top-treshen me më shumë prekje të topit në zonë, duke lënë pas skuadrën e Kukësit me vetëm 13.73.
Ndërsa skuadra që ka surprizuar më shumë është Dinamo e cila aktualisht renditet në vendin e 9-të në kampionat, ku tashmë me shumë gjasa ka marrë edhe rrugën për në Kategorinë e Parë, me blutë që e prekin topin plot 13.27 herë në 90 minuta, duke lënë pas edhe Tiranën kryesuese me 13.24.
Një e dhënë që mund të bashkëngjitet në këtë renditjeje është ajo e goditjeve nga këndi. Shumë shpesh, një goditje nga këndi sjell edhe prekje të topit në zonën kundërshtare. Dhe renditja e goditjeve nga këndi për çdo skuadër është një ndihmë e madhe për të lexuar më mirë renditjen e mëparshme.
Dinamo, pavarësisht nga vendi i nëntë në renditje, është në krye të klasifikimit, por me pak aftësi finalizimi (sulmi më i keq), pasi kanë mesatarisht 4.95 goditje këndi në 90 minuta.
Konfirmohen edhe një herë statistikat sulmuese të Partizanit me 4.5, ndërsa Vllaznia me 4.41 dhe Kukësi me 3.96, por këtë herë Tirana 3.31 renditet pas Laçit, i cili ka 3.49.
Discussion about this post