Skuadra e Partizanit ka arritur të fitojë me shifrat 2-1 ndaj Teutës në një sfidë e cila prodhoi gjithçka, gola, penallti, karton të kuq dhe shumë ritëm nën reshjet e dendura të shiut. Gorgiev kaloi në avantazh skuadrën e Teutës në pjesën e parë teksa në të dytën ndodhi përmbysja e madhe. Partizani realizoi dy gola në fundin e takimit. Në këtë sfidë Marku për Partizanin dhe Aleksi u ndëshkuan me kartona të kuq.
Në fundin e lojës Partizani u vendos në kërkim të golit të barazimit teksa i’a doli të rikthente ekuilibrat me Zhunior nga pika e bardhë e 11 metërshit. Kur sfida po shkonte drejt përfundimit Partizani i trajnerit Ilir Daja gjeti edhe golin e dytë me anë të futbollistit Cara i cili i dhuroi tre pikë të arta kryeqytetasve. Një sukses shumë i rëndësishëm për skuadrën e trajnerit Ilir Daja që lë pas ngërcin psikologjik.
Discussion about this post