Parulla anti-shqiptare në Bukuresht/ Ndërpritet ndeshja Rumani-Kosovë, lojtarët shkojnë në dhomat e zhveshjes

Sfida midis Rumanisë dhe Kosovës është ndërprerë vetëm në minutat e saj të fundit, kur tifozët rumunë provokuan me kore anti-shqiptare.

Futbollisti rumun Alibec u përplas me Rrahmanin, kur në ato momente filluan koret: “Kosova është Serbi” nga tifozët rumunë.

Pas kësaj, lojtarët “Dardanë” vendosën që të bojkotonin sfidën, teksa nuk lejuan që të luhej goditja e fundit e dënimit.

Koret nuk pushuan teksa, kapiteni Amir Rrahmani i bëri thirrje shokëve të tij të skuadrës që të shkonin drejt dhomave të zhveshjes dhe duke braktisur fushën e lojës.

Pas disa minutash, ishin dhe arbitrat ata që u drejtuan te dhomat e zhveshjes, me sfidën që u ndërpre.

NGJARJET KRYESORE

Ora 23:30 – Disa nga tifozët e Rumanisë kanë filluar të largohen nga tribunat e stadiumit.

Ora 23:25 – Futbollistët e Rumanisë futen edhe ata në dhomat e zhveshjeve ndërsa pritet një vendim zyrtar nga UEFA.

Ora 23:22 – Raportohet se janë lojtarët e Kosovës ata të cilët nuk dëshirojnë të kthehen në fushën e lojës.

Ora 23:17 – Vazhdon pritja në stadium me tifozët që nuk largohen, teksa lojtarët rumunë kanë mbetur në fushë.

Ora 23:11 – Trajneri Luçesku i kërkon gjyqtarit të katërt që të marrë vendimin për ndeshjen, pasi lojtarët e tij kanë mbetur në fushë. Por ky i fundit i ka shpjeguar që pret vendimin e UEFA-s.

Ora 23:06 – Trajneri i Rumanisë, Luçesku, komunikon me trajnerin e Kosovës, Franko Foda dhe pastaj me lojtarët e tij, duke i nxitur që të vazhdojnë të jenë të gatshëm nëse merret një vendim i kundërt.

(VIDEO)

Ora 23:03 – Delegacioni kosovar i ka komunikuar UEFA-s që ekipi nuk do të kthehet në fushën e lojës.

(VIDEO)

Ora 20:52 – Vetëm futbollistët e Rumanisë janë në fushën e lojës, teksa lojtarët e Kosovës dhe gjyqtari i ndeshjes janë në dhomat e zhveshjeve.

90’+10’ Edhe gjyqtarët hyjnë në dhomat e zhveshjeve.

90’+8’ Rrahmani udhëheq ekipin në dhomat e zhveshjeve, duke braktisur fushën e lojës.

(VIDEO)

90’+5’ Lojtarët e Kosovës largohen nga fusha në shenjë proteste ndaj thirrjeve anti-shqiptare.

(VIDEO)

90’+3’ Përplasje mes Amir Rrahmanit dhe Alibek, ka tension ë fushë e lojës mes lojtarëve dhe në fund janë Rrahmani e Dellova që përfundojnë të ndëshkuar me të verdhë, ashtu si Alibek.

90’ Jepen 4 minuta shtesë.

RUMANI 0-0 KOSOVË

Ndërkohë Media rumune “Fanatik” ka konfirmuar se nga tifozët rumunë kishte thirrje “Serbia, Serbia”. Pas kësaj kapiteni i Kosovës, Amir Rrahmani tërhoqi ekipin në dhomat e zhveshjes.

Kjo është pritur shumë keq nga tifozët rumunë. Huliganët rumunë kanë kërcënuar që do të hyjnë në fushë. Ka pasur policë të infiltruar në mesin e tifozëve për të ruajtur qetësinë. 

“Do të hyjmë, do të hyjmë”, ishin thirrjet e tifozëve rumunë

gijotina.com/