Një spirancë e lashtë është gjetur në lumin Mat, pikërisht në zonën e Skurajt në Kurbin. Spiranca dyshohet se i përkiste një anijeje të tonazhit të rëndë, e cila lundronte mbi lumin Mat, shekuj më parë kur ai ishte i lundrueshëm.
Sipas asaj që transmeton ‘Top Channel’, Spiranca është vënë re nga një i ri në muajin gusht, teksa po lahej në lumë me miqtë e tij. Sipas Ded Margjonit, specialist i trashëgimisë kulturore, e veçanta e kësaj spirance është zinxhiri i saj rreth 6.6 m i gjatë, që tregon së është përdorur nga anije e tonazhit të rëndë. Zinxhirët janë të ngjitur me nxehje dhe ky zbulim konsiderohet i rëndësishëm.
Kjo spirancë sipas specialistit të Trashëgimisë Kulturore në Lezhë, Ded Margjoni, mendohet se i përket shekullit të 5-6 në periudhën kur lumi Mat ishte i lundrueshëm.
Kjo nuk është hera e parë që gjenden objekte të tilla pranë këtij lumi, ku njëra prej tyre gjendet në muzeun historik të Lezhës.
Discussion about this post