Vendimi befasoi të gjithë botën e futbollit, pasi gjermani ishte ende kontratë deri në verën e vitit 2024. Shtatë muaj pas shkarkimit të Tuchel, shtypi britanik dha një shpjegim të paparë më parë.
Amerikani ishte mërzitur dhe kishte vendosur që ditët e Tuchel në klub do të ishin të numëruara pasi, në pushimin e ndeshjes me West Ham, 2-1, ai u përpoq të çonte një grup mysafirësh në dhomën e zhveshjes së ekipit të tij.
Gjermani u befasua nga iniciativa e pazakontë dhe nuk pranoi të priste si presidentin, ashtu edhe mysafirët e tij, gjë që e mërziti dhe shqetësoi shumë miliarderin që bleu ekipin pranverën e kaluar.
Me shumë gjasa, për të mos e pushuar menjëherë pas një suksesi, Boehly ka pritur gabimin e parë të Tuchelit dhe ai ka ardhur pak ditë më vonë, me Dinamon e Zagrebit, 0-1, në ndeshjet në grupe të Champions League.
Një ditë pas humbjes në Kroaci, Chelsea njoftoi në faqen e tyre zyrtare se Tuchel ishte shkarkuar nga skuadra. Thomas Tuchel është larguar i vetëm nga Chelsea, ndërkohë që ndihmësit e tij vazhduan punën në klubin blu të Londrës.
Ndërkohë, gjermani ka nënshkruar për Bayernin dhe në prezantimin zyrtar kërkoi publikisht, se dëshiron që Anthony Barry, ndihmësi i tij i dytë te Chelsea, t’i bashkohet grupit bavarez.
Por, sipas shtypit britanik, me insistimin e Tuchel dhe Barry, të dy klubet arritën një emërues të përbashkët dhe Chelsea do të marrë një milion paund, si kompensim për transferimin e teknikut.
Barry, i cili ka qenë jashtë fushës për rreth një muaj që kur u përball me Bayern, do të punojë përsëri me Tuchel dhe Chelsea do të duhet të gjejë një zëvendësues për të.
Largimi i Barry është një goditje për Chelsean, pasi shërbimet e tij, veçanërisht në grupe, u vlerësuan shumë nga ish-bashkëpunëtorët e tij të skuadrës.
Discussion about this post