Pas “Akademisë së Barinjve”, qeveria Rama nuk ka ndërmend të ndalet me kaq, pasi kreu i qeverisë deklaroi sot nga Durrësi se do të ndërtohet një shkollë profesionale për peshkimin.
Rama deklaroi se shkolla profesionale do t’i shërbejë industrisë dhe do të jetë e lidhur me praktikën duke garantuar specialistë në sektor.
“Na duhet një shkollë që të ndërtojmë shkollën profesionale në shërbim të industrisë dhe që të jetë e lidhur drejtpërdrejt me praktikën. Këtu është ideale 2 ditë anije, 3 ditë në klasë për të krijuar gjithë gjeneratën e re të kapitenëve shqiptar e të teknikëve shqiptarë. Duhet të përcaktojmë ku është vendi i duhur për shkollën dhe të fillojmë punën. Janë të lidhur me portet, me kompanitë dhe të fillojnë punën direkt. Do duhet që të transferohet në një brez tjetër. Duhet të kemi një gjeneratë të re ajo që do të marrë stafetën nesër në drejtimin e anijeve. Nuk mund të vazhdojë kjo histori që gjithë ajo struktura drejtues teknike e flotës teknike të jenë turq e egjiptianë, aq më tepër që pagat e kapitenëve janë më të larta se pagat e ministrave. Edhe për shkollën do të punojmë. Brenda vitit të ardhshëm duhet të hapim themelet,” deklaroi Rama.
Përgjegjësinë për ngritjen e kësaj shkolle ia la zv.ministrit të Bujqësisë, Roland Kristo të cilën më herët e kritikoi për mungesën e performancës në punë, duke e ironizuar se duhet të zgjohet nga gjumi.
Discussion about this post