Emiljano Shullazi i është nënshtruar një operacioni pak ditë më parë në Spitalin e Burgjeve. Mësohet se Shullazi është operuar në të dyja krahët. Ai prej 2 vitesh po mbahet në regjimin 41 biss ose siç njihet ndryshe burgu ‘i egër’.
Për pak ditë mbaron afati i qëndrimit ne ketë regjim dhe nuk dihet nëse do të mbyllet edhe për një vit tjetër ne 41 biss. Çështja është rikthyer për gjykim nga Gjykata e Lartë në Apelin e Posaçëm pas ankimimit të bërë nga vetë Shullazi, i cili është shprehur kundër qëndrimit në regjimin 41bis.
Pas 83 seancash gjyqësore të zhvilluara në dy vite Gjykata e Posaçme e Apelit dënoi me vendim të formës së prerë me 55 vite burg Emiliano Shullazin dhe grupin e tij, nën akuzën e gjobëvënies dhe krijim të grupit të strukturuar kriminal.
Vetë Shullazi është dënuar me 14 vite burg, me 12 vite burg Gilmando Danin, me 10 vite Endrit Qyqja, Indrit Zela me 10 vite dhe me 9 vite burg Blerim Shullazi.
Krahas të tjerave, Shullazi vijon të jetë në hetim nga Prokuroria e Posaçme për akuzën e “Vrasjes në rrethana cilësuese” të Vajdim Lamajt dhe Klodian Saliut, ngjarje e cila ka ndodhur në shkurt të vitit 2005 në kryeqytet.
Discussion about this post