Një burrë është akuzuar për kërcënime të dyshuara në rrjetet sociale kundër Donald Trump dhe kandidatit të tij, JD Vance.
Michael Wiseman u arrestua dje nën akuzën e kërcënimeve me shkrim për të vrarë, sipas një deklarate nga Departamenti i Policisë së Jupiterit SHBA, shkruan skynews.
“Pas hetimit të raporteve dhe llogarisë së të dyshuarit në Facebook, detektivët e JPD zbuluan se Wiseman kishte bërë kërcënime të shumta kundër Trump dhe Vance, të cilët në fillim të kësaj jave u bënë përkatësisht kandidatët republikanë për president dhe zëvendëspresident”, thuhet në deklaratën e policisë.
“Kërcënime u bënë edhe në lidhje me lëndime trupore ndaj anëtarëve të familjeve Trump dhe Vance”, shton ajo.
Arrestimi vjen më pak se një javë pas atentatit ndaj Trumpit.
Ish-presidenti, i cili shpreson të fitojë zgjedhjet presidenciale në SHBA, konfirmoi se u godit nga një plumb në veshin e djathtë.
I vdekur mbeti një mbështetës nga audienca, Corey Comeperatore, dhe dy të tjerë u plagosën rëndë.
Për vdekje u qëllua edhe autori i armatosur, 20 vjeçari Thomas Crooks.
Discussion about this post