Shannen Doherty, aktorja e njohur për rolet e saj në “Charmed” dhe “Beverly Hills, 90210”, ka vdekur pas një beteje me kancerin. Ajo ishte 53-vjeçe.
Vdekja e Doherty u konfirmua të dielën nga publicistja e saj, Leslie Sloane, në një deklaratë për People dhe TMZ. Të shtunën, aktorja “humbi betejën e saj me kancerin pas shumë vitesh duke luftuar sëmundjen“, tha Sloane.
“Vajza, motra, tezja dhe shoqja e përkushtuar ishte e rrethuar nga të dashurit e saj si dhe nga qeni i saj, Bowie”, thuhet në deklaratë. “Familja kërkon privatësinë e tyre në këtë kohë, në mënyrë që ata të mund të pikëllohen në paqe.”
Doherty ka qenë e hapur për shëndetin e saj vitet e fundit pasi u diagnostikua me kancer gjiri në vitin 2015. Në nëntor, ajo ndau në një kopertinë të revistës People se kanceri ishte përhapur në kockat e saj.
Aktorja luajti si Prue Halliwell në “Charmed” dhe pati role në “Little House on the Preirie” të TV, si dhe në filmat komedi “Mallrats” dhe “Heathers”.
Discussion about this post