Ish-kryeministri britanik, David Cameron, ka thënë se presidenti rus, Vladimir Putin, është “në fakt një kriminel lufte”. Ai theksoi se Mbretëria e Bashkua duhet ta bëjë punën ekonomikisht, ashtu si forcat e armatosura ukrainase po bëjnë atë ushtarakisht.
Cameron u bëri thirrje Shteteve të Bashkuara, Britanisë, vendeve evropiane dhe të tjerëve që të mos marrin pjesë në samitin e ardhshëm të G20 në nëntor në Indonezi, nëse Putini është i ftuar dhe merr pjesë.
“Është e paimagjinueshme që, ju e dini, një president amerikan të duhet të ulet pranë dikujt që është në fakt një kriminel lufte, i cili po bombardon pa dallim civilët në shtëpitë, shkollat dhe spitalet e tyre”, tha ai.
Cameron tha se Mbretëria e Bashkuar duhet të bëjë çdo gjë tjetër që mundet për të ndihmuar Ukrainën përveç veprimeve ushtarake, duke përfshirë rritjen e presionit ndaj Rusisë me sanksione, shkruan CNN.
“Ne gjithashtu duhet të pranojmë se derisa nuk mund të vendosim trupat tona dhe ndërkohë që nuk mund të vendosim një zonë ndalim-fluturimi nga frika e zgjerimit të këtij konflikti, ne duhet të bëjmë gjithçka tjetër që mundemi”, ka thënë Cameron.
Këto deklarata të Cameron vijnë thuajse dy javë pas asaj të presidentit amerikan, Joe Biden, i cili po ashtu e quajti Putinin “kriminel lufte.
Discussion about this post