Pas arrestimit të reperit të njohur Fero, i cili akuzohet se kërcënoi me armë producentin e tij Jetmir Agaj dhe më pas u largua, ky i fundit ka reaguar lidhur me ngjarjen. Ai deklaron se gjithçka ka nisur nga një debat i çastit, ku reperi i njohur në gjaknxehtësi e sipër ka drejtuar armën drejt tij.
Fillimisht, debati ka nisur pasi Fero ka kërkuar që të punoi për një projekt muzikore, ndërsa Jetmiri ka thënë se për momentin ka punë tjera.
Pas kësaj, Fero ka shkuar në studio bashkë me truprojën e tij dhe ka filluar të kërcënojë me armë, duke e drejtuar fillimisht drejt Jetmiri dhe më pas edhe ndaj menaxherit të reperit Bardhi, Emeriton Mataj.
“Ka ardh në studio dhe ka filluar debatin, i kam thënë që menjëherë do ta raportoj gjithë rastin në polici, nga frika që po reagon dikush tjetër në studio, ia kanë drejtuar me revolen edhe menaxherit të reperit tjetër Bardhit, Emeriton Mataj, unë aktualisht janë në emergjencë duke bërë kontrolle”, u shpreh ai.
Situatën e krijuar e ka konfirmuar Agaj në një prononcim për mediat, i cili po ashtu tha se gjendet në emergjencë duke bërë kontrolle nga lëndimet e marra.
