Sipas ‘Sky Sport Italia’, ylli i Juventusit Federico Chiesa ka të ngjarë të humbasë ndeshjen e së shtunës kundër Napolit edhe pse testi mëngjesit të sotëm tregoi se ai e kishte marrë veten.
Chiesa u tërhoq nga skuadra e Italisë para takimit të tyre me Lituaninë për shkak të një dëmtimi të lehtë të muskujve.
23-vjeçari iu nënshtrua ekzaminimeve mjekësore këtë mëngjes edhe një herë dhe testet treguan se ai është në gjendje jo të keqe.
Sidoqoftë, Massimiliano Allegri mund ta lërë atë jashtë për ndeshjen kundër Napolit të shtunën, pasi Bardhezinjtë do të bëjnë debutimin e tyre të sezonit në Champions League të martën e ardhshme.
Chiesa shënoi një gol në dy ndeshje gjatë pushimit ndërkombëtar dhe u kthye në Torino para fitores 5-0 të Azzurrëve kundër Lituanisë mbrëmjen e së mërkurës.
Allegri mund të përballet me më shumë probleme përpara ndeshjes të së shtunës kundër Napoli, pasi Paulo Dybala do të kthehet nga Argjentina të premten në mbrëmje, ndërsa Alex Sandro dhe Danilo mund të humbasin takimin në ‘Stadio Maradona’, duke mos u kthyer në kohë nga Brazili./Gijotina.com
