Pas disa orësh pritje, normalizohet situata në pikën Kufitare në Kapshticë

Policia Kufitare e Kapshticës njofton se situata nga trafiku i mjeteve në këtë pikë kufitrare u normalizua. Siç njoftohet, Policia Kufitare e Kapshticës menjëherë mori takim me homologët në doganën greke të cilët pas takimit shtuan sportelet dhe aplikuan procedurën e përshpejtuar. Falë masave të marra lëvizja ka qenë e njëtrajtshme nga të dyja anët e kufirit duke eleminuar radhët e krijuara.

Sqarim i Policisë Kufitare Kapshticë

Gjatë pasdites së sotme në Pikën e Kalimit Kufitar Kapshticë, ka pasur fluks të shtuar të lëvizjes. Për shkak se dogana në palën greke punonte me dy sportele u krijuan radhë në dalje të Republikës së Shqipërisë.

Policia Kufitare e Kapshticës menjëherë mori takim me homologët në doganën greke të cilët pas takimit shtuan sportelet dhe aplikuan procedurën e përshpejtuar. Falë masave të marra lëvizja ka qenë e njëtrajtshme nga të dyja anët e kufirit duke eleminuar radhët e krijuara.

Aktualisht në këtë pikë kalimi nuk ka radhë dhe lëvizja paraqitet normale.