Prokuroria e Posaçme kundër Korrupsionit dhe Krimit të Organizuar SPAK i caktoi masën “detyrim paraqitje” kreut të PD, Sali Berisha pas arrestimit të dhëndrit të tij, Jamarbër Malltezi.
Ndërkohë mëngjesin e sotëm, brenda pallatit ku banon Berisha, janë parë forca policie.
Mësohet se një parullë e forcave Shqiponja dhe efektivët janë parë teksa dalin nga pallati i ish-kryeministrit.
Dhëndri i ish-kryeministrit Sali Berisha, Jamarbër Malltezi u arrestua mbrëmjen e kaluar në aeroportin e Rinasit.
Ndalimi u bë nga SPAK në lidhje me çështjen e privatizimit të ish-klubit Partizani. Malltezi akuzohet për korrupsion dhe pastrim parash.
Ndaj tij është vënë në sekuestrim edhe pasuria. Në pranga është vënë dhe ortaku i tij, Fatmir Bektashi i akuzuar për të njëjtat vepra penale.
Gjithashtu, GJKKO ka caktuar dhe masë sigurie ‘detyrim paraqitjeje’ dhe ndalim i daljes jashtë vendit për ish-kryeministrin Sali Berisha.
Discussion about this post