Pas Durrësit, zbulohet gruaja që kandidon PS për zgjedhjet në Shkodër

Pas qarkun të Durrësit, është zbuluar një tjetër emër nga PS si kandidate në zgjedhjet e pjesshme lokale të 6 marsit. Mësohet se, kryeministri Edi Rama ka vendosur të kandidojë Majlinda Angonin për kryetare të Bashkisë së Shkodrës.

Aktualisht Angoni është në krye të prefekturës së Shkodrës prej shtatorit 2020. Burime nga PS bënë me dije për “News 24” se Rama ka zgjedhur pikërisht Angonin për garën në një bashki si Shkodra, ku kanë drejtuar gjithmonë demokratët.

Shkodra është një nga gjashtë bashkitë ku do zhvillohen zgjedhje më 6 mars, ndërsa më herët është zbuluar emri i Emirjana Sakos si kandidate e PS për Bashkinë e Durrësit.