Pas Gjermanisë, edhe Greqia ka ngritur një shqetësim të madh në lidhje me telefonatat që vijnë nga call centerat në Shqipëri. Përmes një njoftimi zyrtar, autoritete greke kanë paralajmëruar qytetarët grekë që të kenë kujdes të madh pasi po mashtrohen.
Në njoftim thuhet se, është kthyer në njoftimin kryesore fakti që çdo ditë qytetarët grekë ftohen të investojnë në programe financiare të supozuara fitimprurëse. Ekspertët grekë thonë se, këto telefonata synojnë të nxjerrin informacione personale dhe qasje në llogaritë bankare, në mënyrë që të bien në kurth dhe të merren paratë.
Media greke shkruan se qytetarët që janë nga ana tjetër e telefonit, përpiqen që të joshin ‘viktimat’ e mundshme të investojnë në kompani që garantojnë shumë fitime, mirëpo këto janë kompani fantazmë që synojnë të nxjerrin para. Kujtojmë se pak javë më parë një alarm të tillë ngriti edhe Gjermani, e cila kishte zbuluar edhe skemën se si call-centerat në Shqipëri mashtronin shtetasit gjerman, përmes investimit në bursa.
Discussion about this post