Pas Gjirokastrës, Lëvizja Socialiste për Integrim kërkon që të shpallet i pavlefshëm procesi i votimit në disa qendra votimi të Qarkut të Beratit.
Sipas LSI-së, votimi në këto qendra ka ndodhur në shkelje të ligjit duke dëmtuar në këtë mënyrë rëndë procesin zgjedhor.
Në një shkresë tjetër dërguar KQZ-së kërkohet gjithashtu ndryshimi i vendimit të Celibashit për tabelën e rezultatit të vendimit në këtë qark. Po ashtu kërkohet rinumërim dhe rivlerësim i votave në disa ZAZ.
Sipas kësaj partie, në disa Qendra Votimi u gjetën fleta votimi pa vula, ndërsa shton se në çdo ZAZ pati tentativa për votim të dyfishtë.
