Pas ‘Jo’ nga Zidane e Pochettino, United kërkon këtë trajner

Klubi i Manchester United është duke kërkuar për një drejtues stoli pas shkarkimit të Ole Gunnar Solskjaer të dielën që kaloi.

Aktualisht në krye të ‘Djajve të Kuq’ është Michael Carrick, i cili drejtoi skuadrën në fitoren 2-0 ndaj Villarreal në ndeshjen e 5 të fazës së grupeve të Champions League.

United i propozoi pozicionin e trajnerit francezit Zinedine Zidane dhe argjentinasit Mauricio Pochettino, por ky propozim u refuzua nga të dy ata.

Ndërsa tashmë sipas BBC raportohet se klubi anglez ka kontaktuar Ernesto Valverden, si një trajner të përkohshëm deri në fund të sezonit.

Valverde ka mbetur pa punë që kur u largua nga Barcelona më 11 janar në vitin 2020, kjo për shkak se humbën kreu e tabelës dhe në fund u shpall Real Madrid si kampion.

Megjithatë sipas raportimeve të mediave britanike, Valverde duket se është shumë afër kalimit te Manchester United./K.T/Gijotina.com