Një majmun në Japoni ka sulmuar dhe plagosur 42 persona. Autoritetet nuk kanë përcaktuar ende nëse sulmet ishin kryer vetëm nga një majmun apo edhe nga të tjerë si ai. Sulmet e majmunëve kanë shkaktuar shqetësim tek autoritetet japoneze , pasi ato janë një dukuri relativisht e zakonshme në disa zona.
Këtë herë një majmun ka sulmuar njerëzit në Japoni duke plagosur 42 prej tyre. Makakët janë të zakonshëm në pjesën më të madhe të Japonisë dhe konsiderohen agresivë duke ngrënë edhe të mbjellat apo duke hyrë nëpër shtëpitë. Por vargu i sulmeve të majmunëve në qytetin perëndimor japonez të Yamaguchit është i pazakontë.
“I gjithë qyteti i Yamaguchi është i rrethuar nga male dhe nuk është e rrallë të shohësh majmunë. Por është e rrallë të shohësh kaq shumë sulme në një periudhë kaq të shkurtër kohe. Lëndimet deri më tani kanë qenë kryesisht të lehta, por autoritetet tani po shohin të përdorin qetësues ndaj tyre pasi në mënyrat e tjera nuk kanë arritur të kapin asnjë majmun. Në fillim ata sulmonin vetëm fëmijët dhe gratë. Ndërsa kohët e fundit, kanë marrë në shenjestër burrat e moshuar dhe të rriturit” tha një zyrtar nga departamenti i bujqësisë së qytetit për agjencinë e lajmeve AFP.
Kujtojmë që pak kohë më parë në Sarandë, një majmun sulmoi 3 policë dhe një turist grek. Ngjarja mori përmasa të mëdha mediatike, ndërsa pronarët e kafshët mohuan që majmuni i quajtur Kiko, të këtë tendeca agresive.
Discussion about this post