Pas kohës së mirë po vjen dimri me stuhi të fuqishme, qytetet që do goditen

Temperaturat e pazakonta për stinën dhe moti me diell që kemi shijuar këtë javë, do t’ia lënë vendin dimrit të vërtetë me reshje shiu.

Fillimisht zonat që do të preken nga moti i keq nesër janë pjesa jugore, ultësira perëndimore dhe veriperëndimore dhe më pas i gjithë territori. Moti i keq me reshje dhe stuhi do të vazhdojë deri në fundjavën që vjen. Jo vetëm Shqipëria, por i gjithë rajoni i Ballkanit do të jetë në këto kushte atmosferike.

Sipas hartës së publikuar nga meterologët stuhira të fuqishme do të përfshijnë Greqinë dhe Italinë, të cilat më pas do të kalojnë në vendin tonë.  Qytetet bregdetare në vend si Durrësi dhe Vlora do përfshihen nga erëra të forta, ndërsa në të gjithë vendin do të ketë rrebeshe shiu. Harta tregon se i gjithë Mesdheu do të përballet me stuhi të forta dhe dimër të ashpër.