Ish-konkurrentja e “Për’puthen”, Arlida ose Tola, vajza e parë që është eleminuar nga djemtë, në një intervistë për emisionin “Shqipëria Live” tregon se kush nga personat atje ka shkuar me qëllimin e vërtetë për t’u përputhur.
Një nga emrat e përmendur prej saj nga ana e vajzave ishte Mikela ndërsa nga djemtë Bashkimi.
“Në dy muaj që kam qenë unë aty, kanë nisur pëlqimet tek disa konkurrentë. Disa janë aty thjesht ‘hajt se jemi’. Në syrin tim, shoh Mikelën që ka dëshirë të përputhet, por nuk e marrin shumë seriozisht djemtë se është lozonjare dhe dëshiron të jetë protagoniste. Shoh Bashkimin shumë të përfshirë, por Alvisën shumë më pak”, është shprehur Tola.
Kujtojmë se gjatë spektaklit “Përputhen Prime” njësoj si vajzat, kishin të drejtë të eliminonin djemtë për të cilët kanë pak pëlqim, edhe këta të fundit me votë mund të thonin emrin e vajzës me të cilën nuk do bënin takime. Vajza automatikisht do të largohej nga emisioni.
Emri i përzgjedhur nga djemtë ishte Tola.
