Pas Lionel Messit, mësohet se ‘viktimë’ e guzhinierit të shquar turk, më herët kishte rënë edhe ylli i futbollit francez, Kylian Mbappe. Ndjekësit e Salt Bae kanë kritikuar një video “të pakëndshme” të tij, të rishfaqur në Instagram me Kylian Mbappe.
Këto ditë pas finales të Botërorit “Katar 2022”, guzhinieri i famshëm e ka gjetur veten në qendër të vëmendjes për arsye të gabuara, pasi hyri në fushë pas finales së Kupës së Botës dhe ngacmoi Lionel Messin për një selfie.
Guzhinieri turk dhe ylli i Instagramit, emri i vërtetë Nusret Gökçe, u pa në fushë, madje edhe duke prekur Kupën e Botës kundër rregulloreve të rrepta. FIFA u detyrua të bënte një pranim poshtërues se ai nuk duhet të kishte qenë kurrë në fushë në radhë të parë.
Por nuk është hera e parë që Salt Bae fokusohet me futbollistët më të mirë. Në një video të rishfaqur, ai u pa duke pozuar me Mbappe në lokalin e guzhinierit Nusr-Et në ishullin Mykonos të Greqisë.
I ulur përkrah manjatit të biftekut, Mbappe mund të dëgjohet duke thënë: “Ishte një natë e mirë. Një kënaqësi që erdha me mikun tim”.
Salt Bae përgjigjet: “Gjithmonë”. Dyshja shtrëngojnë duart dhe Mbappe i shkel syrin kamerës përpara se Salt Bae t’i japë futbollistit një puthje në faqe.
Ndjekësit e shefit të guzhinës thanë se Mbappe dukej “në siklet” në pamjet e korrikut 2021. Njëri tha: “Mbappe nuk ishte rehat!”
Kjo video vjen pas fotove të tjera të rishfaqura tregojnë Salt Bae që ndërhyn në festën e Real Madridit pas fitores së Champions League në 2018.
Discussion about this post