Pas ndryshimeve në Qeveri, Rama çon ministrat në kinema

Pasditen e djeshme u mblodh Asamblea Kombëtare e PS-së, në të cilën Edi Rama, njoftoi ndryshimet në Qeveri.

Mes ndryshimeve ishte largimi përfundimtar nga Qeveria të Olta Xhaçkës, Frida Krifcës dhe Evis Kushit. Kësaj të fundit Rama i besoi një pozicion në Sekretariatin e PS-së.

Në përfundim të mbledhjes së Asamblesë, duket se Kryeministri ka menduar “të argëtojë” kabinetin qeveritar, ministrat e rinj dhe të vjetër, duke i çuar në kinema.

Sipas raportimeve, Rama dhe ministrat ishin të pranishëm në shfaqjen e filmit dokumentar të BBC “Thesaret e Adriatikut – Shqipëri” me Bettany Hughes.

Të pranishëm kanë qenë mes të tjerësh ministrat Anila Denaj, Ervin Mete, Elisa Spiropali, Mirela Kumbaro, Elva Margariti dhe Belinda Balluku.