Një mesazh me parashutë emocionoi disa ditë më parë, aktoren dhe banoren e “Big Brother Vip” Monika Lubonja. Aktorja ende nuk e di se kush ia bëri këtë surprizë, prandaj banorët e veçanërisht Donaldi nisën ta ngacmonin Monikën për parashutistin.
Madje sa herë kalon ndonjë parashutë me mesazhe të ndryshme për banorët, Monika pyet me shaka “a je ti piloti im?”. Gjithashtu në mbrëmjen e prime, Monika kërkoi që t’ia sillnin “pilotin” e famshëm dhe duket se edhe kjo do të ndodhë.
Dje parashutisti ka kaluar prapë lart shtëpisë së “Big Brother VIP” dhe e ka surprizuar Monikën me një banderolë ku shkruhej: “Monika, zemër më prit se po vij”.
Kjo surprizë dhe “ftesë” nga parashutisti u prit me shumë entuziasëm nga aktorja. Ndërkohë kujtojmë se ideja për të surprizuar Lubonjën me një parashutë ishte e Ilirit, Donaldit dhe Dj Dagz-it. Tre banorët po flisnin me njëri-tjetrin se sa bukur do ishte që të vinte një parashutë për Monikën në emrin e tyre.
Discussion about this post