Luiz Ejlli dhe Dea Mishel vijojnë të përplasen në distancë mes tyre, duke tërhequr vëmendjen e ndjekësve.
Luizi e “përshëndeti” familjen e Deas me një këngë aspak të hijshme në koncertin e tij. Pas kësaj erdhi reagimi i Dea Mishel, e cila shprehej se ishte turp për një burrë 40 vjeç të bëjë ështu për një lojë.
Së fundmi, Luizi ka hyrë ‘live’ në Instagram ku ka realizuar dhe një bisedë virtuale me fansat e tij.
Në mënyrë indirekte, artisti iu referua situatës që shkaktoi shumë zhurmë në rrjet duke u shprehur se nuk do të flasë më asgjë më shumë pasi mund të merret si diçka personale, teksa theksoi se dhe ai mund të gabojë.
“Nuk po flas ndonjë fjalë më shumë, sepse çfarë do që të flas duket sikur e kam personale me dikë, por unë s’kam asgjë me njeri. Këtu do të jem, këtu do të rri, siç i kam bërë ballë gjërave, do t’i bëj deri në fund. Çfarë nxjerr nga goja mbaj vetë përgjegjësi. Do të jem i drejtpërdrejtë gjithmonë siç kam qenë. Edhe unë gaboj, por mundohem që çfarë them, ta mendoj mirë dhe t’i them në sy gjërat për gjithçka”, shprehet Ejlli.
Discussion about this post