Drejtoresha e shkollës “Andon Zako Cajupi” ka dhënë dorëheqjen sot për sherrin që ndodhi para dy javësh mes dy mësueseve. Sherri i ndodhur me 6 tetor mes mësuesve të shkollës, përveç se terrorizoi nxënësit, ka shkaktuar dhe shumë reagime në opinionin publik, më së shumti nga prindërit që çojnë fëmijët në atë shkollë.
Atë ditë Ministria e Arsimit vendosi të pezullojë dy mësueset, ndërsa tha se për masat të tjera që do merren do të vendos Komisioni Disiplinor. Me sa duket reagimi i opinionit dhe barra e rëndë që mbart ajo ngjarje banale, ka rënduar mbi drejtoreshën e shkollës, Vojsava Kumbulla, e cila ka vendosur të jap sot dorëheqjen.
Pas pezullimit të mësueseve, gati shkarkimi i drejtoreshës së shkollës “Çajupi”
Pas sherrit që degradoi në dhunë fizike mes mësueseve në shkollën ‘”Çajupi” Ministria e Arsimit duket se është në procedurë e sipër për të shkarkuar drejtoreshën e shkollës. Sipas burimeve, shkarkimi i drejtoreshës është në proces, pasi pak ditë më parë edhe ministrja Kushi e paralajmëroi se mund të ndodh diçka e tillë. Ditën që ndodhi sherri, Ministria e Arsimit vendosi pezullimin e dy mësueseve, të cilat nisën sherrin për një vend në tavolinë. Ndërkohë 5 ditë më pas Ministrja Kushi shkoi të shinte nga afër situatën në atë shkollë dhe të diskutonte me mësuesit dhe drejtuesit e saj. Kushi theksoi se, po punohet për forcimin e Komisioneve të Etikës dhe Disiplinës, për të garantuar mbarëvajtje në proceset e shkollës. Sakaq, ajo bëri me dije se për vendime të mëtejshme do të vendosë komisioni që disiplinon për të gjithë ata që janë përgjegjës për këtë ngjarjes, ashtu sikur u mor vendimi për pezullimin e dy mësueseve.
“Pasi i urova fillimisht shumë suksese e mbarësi nxënësve në këtë fillim viti shkollor, bashkëbiseduam gjerësisht me mësuesit për çështje shkollore që kanë nevojë për adresim, për lartësimin më tej të figurës së mësuesit, si dhe forcimin e vazhdueshëm të Komisioneve të Etikës dhe Disiplinës, për të garantuar vetëm mbarëvajtje në proceset e shkollës“, u shpreh Kushi.
Pra si duket, Komisioni i Disiplinës pas masës që mori ndaj mësueseve, ka vendosur të vërë para përgjegjësisë edhe drejtuesen e shkollës, për të cilën burimet tregojnë se është vendosur të shkarkohet.
Sherri i datës 5 tetor ka nisur mes dy mësuesve të shkollës Çajupi në Tiranë ka nisur për një vend tavoline në një lokal. Dy mësueset Elida Qenami, 46 vjeç, mësuese Letërsie dhe Domenika Toptani, 53 vjeçe, mësuese historie, ka rezultuar se në një lokal në afërsi të një shkolle në rrugën “Kongresi i Manastirit”, fillimisht janë konfliktuar verbalisht për tavolinë në lokal, që më pas ka përfshirë edhe familjarët e tyre.
Për ngjarjes është arrestuar Edmond Faja, 39 vjeç, pasi ka qëlluar në ajër me një armë zjarri pistoletë, e cila u sekuestrua në cilësinë e provës materiale.
Ndërsa në hetim në gjendje të lirë janë familjarët Elton Kasaj, Enrik Qenami, Enea Kovaçi, Ndriçim Qefalija, Laert Duro, Alvaro Toptani.
