Lorenc Hasrama prej më shumë sesa 1 viti po jeton një histori të bukur dashurie. Vetë këngëtari ka folur kur ishte në “Big Brother” për këtë histori, duke u shprehur se ishte më i dashuruar se kurrë.
Vetëm pak muaj më parë, ai publikoi për herë të parë foto me partneren. Nga fotoja e publikuar, dyshja shfaqej të qeshur dhe shumë të lumtur në krahët e njëri-tjetrit. Por teksa është munduar të mbajë sekret identitetin, bëhet me dije se e dashura e Lorencit quhet Rajna Duzha dhe është me profesion dentiste.
Këtë herë ka qenë paparaci ynë që i ka kapur mat në zonën e “Bllokut”, teksa çifti kalon i kapur për dore. Mesa duket, tashmë historia e tyre është konsoliduar dhe dyshja nuk fshihet më edhe për të dalë publikisht. Dyshja u duk se u fut në krizë kur artisti ishte pjesë e “Big Brother”.
Një flirt i tij me Keisin, me të cilin kishte pasur edhe një lidhje më herët, e tronditi disi raportin që kishte jashtë. Lorenc Hasrama vendosi që me vullnet të plotë të linte shtëpinë e “BBVA” dhe i ftuar në “Ftesë në 5”, ai foli për përvojën e tij brenda shtëpisë, si dhe foli për të dashurën, me të cilën ka disa muaj i lidhur. Lorenci tha se e dashura jashtë s’e ka përjetuar shumë mirë, por do ta rregullojnë marrëdhënien.
“Besoj që janë gjëra që rregullohen. Ne të gjithë bëjmë gabime, qoftë edhe pa dashje, unë i quaj gabime gjithmonë. Për sa kohë, qëllimet e mia nuk kanë qenë të tilla, siç janë dukur në disa momente, ne i mbajmë ato gabime në shpatulla dhe vazhdojmë përpara dhe tregojmë që s’janë ashtu si duken”.
Mes batutave, ai i justifikoi disi ngacmimet me Jorin dhe tha se: “Unë kam qenë tip rrugaçi, por ka ca vite që e kam ndarë mendjen të jem korrekt. Në një moment u duka si jo korrekt në shtëpi, por jo çdo gjë është siç duket”.
Discussion about this post