Pas dy ditësh propagandë në jug, duke treguar që tashmë “pas gjëmës” policia po kryen kontrolle ndaj skafeve, sot Gledis Nano u kujtua të ngushëllojë familjen e 7-vjeçares që u vra në Himarë. Sapo ka dalë nga shtëpia e familjes Avdija, Nano ka dhënë një deklaratë për mediat. Ai tha se familja nuk po merret me akuzat që i hidhen Policisë së Shtetit, duke lënë kështu mënjanë faktin që vogëlushja u godit me skaf nga një efektiv policie. Nano tha se sot ka shkuar së pari si qytetar t’u shpreh atyre ngushëllime dhe i falënderoi ata për mikpritjen.
“Nuk dua të keq interpretohet vizita ime, kam ardhur të shpreh me shumë hidhërim nga shpirti ngushëllimet e mia për humbjen tragjike të fëmijës, kam ardhur si prind si qytetar dhe falënderoji familjen Avdia e cila i mirëpriti ngushëllimet e mia, përveç përgjegjësive dhe çfarë ka ndodhur i falënderoj dhe i mirëkuptoj që ngjyrimet e caktuara i kanë lënë mejhane dhe janë duke vuajtur për atë çfaër ka ndodhur”, tha Gledis Nano menjëherë pasi la familjen Avdia. Ndërsa kujtojmë se ngjarja ndodhi të martën, ku 7-vjeçarja u godit me skaf nga Arjan Tase, pasi ky i fundit bënte manovra shumë pranë bregut të detit.
Discussion about this post