Partia Demokratike ka dërguar kërkesën për t’u regjistruar në KQZ për zgjedhjet e pjesshme lokale të 6 Marsit. Sakaq PD ka dorëzuar emrat e saj për anëtarë të KZAZ-ve.
“Po ju dërgoj për njohje shkresën e PD për regjistrim si subjekt politik dhe propozimet për anëtarë të KZAZ” – thuhet në njoftimin e PD.
Më herët ka qenë Partia Socialiste dhe LSI që kanë bërë kërkesë për regjistrimin e anëtarëve të KZAZ-ve.
Kujtojmë që pesë ditë më parë presidenti Ilir Meta dekretoi caktimin e 6 marsit për zhvillimin e zgjedhjeve të pjesshme vendore për kryetar bashkie në Shkodër, Dibër, Durrës, Vorë, Rrogozhinë dhe Lushnjë.
Komisioni rregullator në KQZ vendosi që fushata zgjedhore të nis më 17 shkurt dhe të zgjasë më pak se një muaj, për shkak të kohës së shkurtër në dispozicion për respektimin e afateve ligjore.
Discussion about this post