Herë pas here duket se banorët e shtëpisë së “Big Brother VIP” harrojnë se janë të monitoruar 24 orë në ditë, nga qindra kamerat të vendosura në çdo cep të shtëpisë. Si pasojë, publiku kap çdo fjalë që ata thonë, e ndodh që edhe t’i kritikojnë shumë për veprimet që bëjnë. E kështu i ka ndodhur së fundmi Monika Lubonjës.
Një video e Monikës është bërë shumë virale në rrjet, teksa aktorja është nën shoqërinë e Einxhelit dhe Arjolës, ku dëgjohet duke thënë: “E di këtë të, ça nga vij unë, nga Prrenjasi vij?”. Videoja e këtij fragmenti është bërë virale dhe ndjekësit kanë shpërthyer në kritika dhe ofendime kundër aktores, ku e quajnë atë injorante dhe që nuk transmeton asnjë vlerë për publikun. Madje disa nga ata e ofendoni me fjalor tepër banal, duke thënë se kaq edhe e ka pak, pasi nxjerrë budallaqe nga goja.
Përpos publikut kjo video nuk është pritur mirë as nga ish-kryebashkiakja e LSI-së në Përrenjas Miranda Rira. Ajo ka shpërthyer ndaj aktores duke thënë se ajo ka fyer një zonë të tërë duke thënë se nuk është nga Përrenjasi.
“Ti Monika Lubonja që ha a pi qyl në atë shtëpi, që shëllehesh tërë ditën në diell dhe ndërkohë paguhesh edhe si këshillare e Erion Veliajt, me taksat e qytetarëve të Tiranës, ti sot fyen një zonë të tërë, duke thënë se “nuk je nga Prrenjasi”!!! .”, ka thënë ndër të tjerash Rira.
Ajo është shprehur se ndjen keqardhje për aktoren dhe ka thënë fjalët më pozitive dhe të mira për gratë dhe vajzat e Prrenjasit.
Discussion about this post