Sulmuesi i Manchester City, Erling Haaland, iu bashkua grumbullimit të skuadrës norvegjeze të martën për ndeshjet kundër Skocisë, këtë të shtunë, 17 qershor dhe Qipros, të martën, 20 qershor, për kualifikuese e “Euro 2024”.
Kjo, pasi mori pjesë të hënën në festimet e ekipit të tij për fitoren të shtunës së kaluar në finalen e Champions League kundër Interit (1-0). Ylli norvegjez, i cili kishte leje për t’u bashkuar me kombëtaren më vonë se shokët e tij, u ul të martën pasdite në aeroportin e Oslos, me një avion privat, me të dashurën dhe miqtë e tij.
Norvegjia, e cila bën pjesë në të njëjtin grup me Spanjën, do të përballet këtë të shtunë kundër Skocisë dhe të martën kundër Qipros, të dyja në shtëpi, dy angazhime të rëndësishme për t’u ngjitur në renditjen e grupit A, ku është e treta me një pikë të vetme në dy ndeshje, pas Spanjës (3) dhe Skocisë (6).
Haaland, i cili mungoi në humbjen kundër Spanjës dhe barazimin në Gjeorgji për shkak të dëmtimit, duket thelbësore për shpresat e Norvegjisë, por trajneri Ståle Solbakken e kupton se ylli i Cityt ka munguar për dy ditë duke festuar me shokët e tij.
“Është e rëndësishme që ai të pushojë dhe të asimilojë euforinë, që ka bërë diçka të mirë me shokët e tij për dhjetë ose njëmbëdhjetë muaj. Duhet të relaksohet për 48 orë ose çfarëdo tjetër,”- tha trajneri norvegjez në një konferencë për shtyp të martën, duke aluduar për udhëtimin e sulmuesit me pjesën tjetër të ekipit të tij për të festuar në Ibiza (Spanjë).
Solbakken ishte dashamirës me Haaland dhe pranoi se ai nuk do t’i mbajë atij një fjalim “si Al Pacino” në ‘Any Given Sunday’ për ta motivuar atë për të shtunën, por se bëhet fjalë për “mendje të shëndoshë”.
“Pushim, gjumë dhe stërvitje taktike. Më duhet ta respektoj se ndoshta duhet t’i japim një kthesë të ndryshme, duke parë se çfarë ka kaluar,”- tha ai për Haaland, duke mos patur dyshime për sulmuesin e tij yll: “Jam i sigurt se ai do të jetë gati.”
Discussion about this post