Shqipërisë po i shtohen armiqtë dhe rreziku gjithashtu. Burime bëjnë me dije se pas Rusisë, edhe Bjellorusia e ka shpallur Shqipërinë një vend jomiqësor, njësoj siç ka bërë me SHBA-në, BE-në dhe 11 shtete të tjera. Lista përfshin Australinë, shtetet anëtare të BE-së, Kanadanë, Lihtenshtajnin, Norvegjinë, Zelandën e Re, Shqipërinë, Islandën, Maqedoninë e Veriut, Mbretërinë e Bashkuar, Shtetet e Bashkuara, Malin e Zi, Zvicrën.
Sipas dekretit të qeverisë, vendet po ndërmarrin “veprime jomiqësore kundër subjekteve juridike dhe individëve bjelloruse”. Më parë, qeveria ruse miratoi më 7 mars një listë të vendeve dhe rajoneve që kanë ndërmarrë veprime jo miqësore kundër Federatës Ruse, kompanive dhe qytetarëve rusë. Përfshirë Shtetet e Bashkuara, shtetet anëtare të BE-së, Mbretërinë e Bashkuar, Ukrainën, Japoninë dhe disa vende dhe rajone të tjera.
Kujtojmë se Bjellorusia ka qenë vendi i parë i cili i doli në krah Rusisë për sulmet në Ukrainë, madje ndihmoi ushtrinë Ruse të depërtonte në Kiev.
Discussion about this post