Këngëtari me famë botërorë, Ed Sheeran, është shëruar nga COVID-19 dhe është rikthyer më fuqishëm se kurrë.
Lajmi është bërë i ditur nga vetë këngëtari, i cili me anë të një postimi në Instagram ka treguar gjithashtu se shfaqja e tij në “Saturday Night Live” do të zhvillohej.
“Postova këtë foto për të thënë se jam liruar nga izolimi COVID sot, kështu që nëse më shihni jashtë dhe rreth dijeni që e kam kryer karantinën time. I ngazëllyer për të nisur punën përsëri dhe SNL do mbahet, kështu që akordohuni të shtunën, shihemi atje”, kishte shkruar artisti.
Këngëtari i cili rezultoi pozitiv me COVID-19 muajin e kaluar doli në skenën e “Studio 8H” të shtunën, duke performuar dy nga hitet e tij, “Shivers” dhe “Overpass Graffiti”.
30-vjeçari, zbuloi se ishte infektuar me COVID-19 në një postim të shpërndarë në Instagram më 24 tetor.
Discussion about this post