Roma thuhet se ka kontaktuar Bodo/Glimt në lidhje me sulmuesin Erik Botheim, i cili bëri përshtypje në të dyja ndeshjet mes dy skuadrave në Conference League.
Transmetuesi norvegjez TV2 raporton se Jose Mourinho ka treguar interes për sulmuesin norvegjez dhe ‘Verdhekuqtë’ thuhet se kanë kontaktuar agjentin.
Roma pësoi një humbje të turpshme 6-1 ndaj norvegjezëve në Bodo, përpara një barazimi 2-2 në Romë dy javë më vonë.
Botheim kontribuoi me tre gola dhe tre asistime në dy ndeshjet dhe ka përfunduar në listën e dëshirave në kryeqytetin italian, me Lazion që përmendet gjithashtu si kërkues i mundshëm për 21-vjeçarin.
Kështu, Botheim mund të ndjekë hapat e ish-anësorit të Bodo/Glimt, Jens Petter Hauge në Itali, pasi lojtari aktual i Eintracht Frankfurt u transferua në Milano pas paraqitjeve të tij mbresëlënëse kundër ‘kuqezinjve’ të Italisë në fazat paraprake të Europa League sezonin e kaluar.
Hauge iu bashkua Milanit në gusht 2020 dhe nënshkroi një marrëveshje deri në qershor 2025, por u transferua pas 24 ndeshjeve konkurruese dhe pesë golave me Milan.
22-vjeçari më pas iu bashkua Eintracht Frankfurt në formë huazimi me detyrimin për ta blerë gjatë verës dhe ka luajtur 13 herë për skuadrën gjermane./K.T/Gijotina.com
Discussion about this post